اسئله مستفزه جدا جدا
يلا كل واحد يشغل الجمجمة ويحاول يلاقى اجابة على الاسئلة دى
§ الكهرباء لما بتتقطع بتروح فين؟!
§ لو فيه شجرة وقعت على الارض فى الغابه، هل بقية الشجر هيضحكوا عليها؟
§ ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟!
§ لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟
§ ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟!
§ طيب لو كان الحب اعمى ..ليه واكلين دماغنا بالحب من اول نظرة؟
§ لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟
§ الأخرس بيكلم نفسه إزاى؟
§ ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!
§ معروف إن (اللي يتلسع من الشوربة ينفخ في الزبادى)، بس.. هل لو (نفخت في الزبادى) يبقى دا معناه إني (إتلسعت من الشوربة)؟!
§ ليه البنات بتفتح بقها وهيا بتحط (ماسكرا) ؟
§ إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!
§ ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟!
§ ليه الناس مابتقولش (الرياضة فايز ومهزوم) غير لمّا تتغلب؟
§ ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟
§ ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟!
§ ازاى تقدر تعرف المسند بتاع كرسيك فى السينما؟
§ ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟!
§ ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة!
§ ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟!
§ لما تيجي تتصل بواحد.. ليه الأرقام اللي بترد غلط.. ما بتكونش مشغولة؟!
§ لو كانت الأرض كرة – زى ما بيقولوا – طيب الماتش هيبدأ إمتى؟!
§ ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر".
§ إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟!
§ ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟!
§ لو الصاعقة نزلت على حد بيموت متكهرب فورا، طيب لمّا الصاعقة بتضرب البحر، ليه السمك اللى فى البحر مابيموتش متكهرب؟
§ لمّا الواحد بيعلّى صوت الكاسيت، هل ده بيسحب كهرباء أكتر؟
§ لو البوليس وهو رايح يقبض على حد شاف فى السكة جريمة بتحصل ، بيمنعها ولاّ بيركز فى المهمة اللى طالع علشانها؟
§ هل الحيوانات بتعطس؟
§ طيب هل حصل فعلا فى يوم من الايام أن فيه واحد (ضرب عصفورين بحجر)؟
§ ليه لما يكون الواحد جوه عربية والعربية داخلة هتعدى من نفق؟؟ تلاقى الواحد يوطى رأسه كإنه هو شخصياً اللي هيعدى من النفق مش العربية؟!
§ ليه لما باكون في البيت واتصل بالسوبر ماركت (اسمه سوبرماركت ريشه) وأقول (آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء الله سوبرماركت ريشه؟!) ولاّ (إن شاء الله مش سوبرماركت ريشه؟!).
§ ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟!
§ ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟!
§ بيقولوا (لكل قاعدة استثناء)..طيب ايه الأستثناء بتاع القاعدة دى؟
§ ليه لما حد يحب يدي يدى معلومة بيبدأ الجملة بكلمة (بيقولك)، (بيقولك العربيات رخصت)!
§ ليه فيه ناس لما تعدى عليها وتقول (سلامو عليكوا) ما تسمعش منهم غير صوت بيقول "وع.. س س.. هه"؟!
§ ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟!
§ طيب ليه المذيعة بتقول أعزائي أفراد الأسرة.. وهى ما تعرفش حد فينا؟!
§ ليه الشخص اللي يسألك "الساعة كام" لازم يرفع لك دراعه الشمال ويشاور على مكان الساعة بصباعه "لو سمحت الساعة كام"....طيب اللى بيسأل على مكان الحمام المفروض يشاور على ايه؟
§ اللى مايقدرش يتكلم اخرس، واللى مايقدرش يشوف اعمى، طيب اللى مايقدرش يشم أيه؟
§ طيب ليه اللي يسألني عن الساعة لازم يحلفني "الساعة كام والنبي؟!".
§ ليه لما تقول لواحد حاجة ومايسمعهاش كويس تلاقيه هو اللي علاّ صوته فجأة (بتقول ايه؟!).
§ ليه الكتابة على التي شيرت لازم تكون بالإنجليزي، ليه ماحدش بيكتب على التي شيرت بتاعته بالعربي.. مثلاً "اللي ذاكر ذاكر خلاص".
§ ليه الواحد ما يشربش إزازتين "مزيل دهون" علشان يخس؟!
§ اذا كان زيت الذرة معمول من الذرة ، و زيت عباد الشمس معمول من زهرة عباد الشمس، طيب الbaby oil معمول من ايه؟
§ لو " رُكب" الإنسان كانوا ورا مش قدام، كانت الكراسى هيبقى شكلها ايه؟
§ ليه الواحد بيدوس على الريموت كنترول بقوة وعنف لما الحجارة بتشطّب؟
§ التوأم الملتصق لما بيدخل السينما ، بيقطعوا تذكرة واحده ولا تذكرتين؟
§ لمّا البوليس بيهجم على شقة ويكسّر الباب، مين المسئول إنه يصلّح الباب ده؟
§ لو واحد مات و رجله متجبسه ،هل بيدفنوه بيها متجبسة ولاّ بيشيلوا الجبس
:' كفاية كدة :'
الاجابه
الكهرباء لما بتتقطع بتروح فين؟ بتروح عند الترزى طبعا عشان يخيطها.
لو فيه شجرة وقعت على الارض فى الغابه، هل بقية الشجر هيضحكوا عليها؟حسب اخلاقها لو وحشه هيضحكوا ولو كويسه هيعيطوا.
ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟نسأل عمو مراد مش هو اللى حاطط اليافطه على شارعه.
لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟لان السندوتش كل لا يتجزأ يقبل الزياده ولا يستحمل النقص
ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟!مش بيقولك فاقد الشىء بيحلم يمتلكه لانه اعمى بيحلم يبقى بصير وليه عنين تشوف
طيب لو كان الحب اعمى ..ليه واكلين دماغنا بالحب من اول نظرة؟
زى اللى فوقه
لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟لو مضايق ينتحر وخلاص
الأخرس بيكلم نفسه إزاى؟
عادى جدا زى ما الانسان الطبيعى بيكلم نفسه مش لازم يحرك لسانه مخه يكلمه
ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!
لانه بيعملها على نفسه لو محدش صحاه زى البيبهات
ههههههههههههههههههههههههههه
معروف إن (اللي يتلسع من الشوربة ينفخ في الزبادى)، بس.. هل لو (نفخت في الزبادى) يبقى دا معناه إني (إتلسعت من الشوربة)؟!اسالك واحد تانى وبرده هيكون اجابتى على السؤال :هل ده معاناه انى لما انفخ فى الشوربه يبقى انا التلسعت من الذبادى.
ليه البنات بتفتح بقها وهيا بتحط (ماسكرا) ؟
يمكن بتتاوب على الصبح ولا عاوزة تنام بليل .
هههههههههههههههههههه
إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!دى خدعه عشان المشجعين بتوع الاهلى يروحوا الزمالك يخدوا علقه هناك.
ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟!
لو حد اصلا قال كلمه الاقصر مش هيجى فى دماغى صوره الاثار.
ليه الناس مابتقولش (الرياضة فايز ومهزوم) غير لمّا تتغلب؟
لان الفايز بيطلع لسانه للمهزوم
هههههههههههههههههههههه
ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟
ماهو بتوع الشامبو خلصوا على الخوخ كله.
ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟!عشان ميزعجش العفاريت عشان بيخاف منهم.
ازاى تقدر تعرف المسند بتاع كرسيك فى السينما؟
مبدخلش سينما.هعليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟!
يمكن بيرخموا عليه.هههههههههههه
ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة!اصل نشره تسعه مفصله شويه اما لو شوفت نشره سته كنت هتلقيه يبقول مصرع 250 واحد.
ههههههههههههههه
ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟!
ممكن يكون اعمىاو عنده عمى الوان او نظره ضعيف.
لما تيجي تتصل بواحد.. ليه الأرقام اللي بترد غلط.. ما بتكونش مشغولة؟!
من حظى الوحش انهم بيرودا.
لو كانت الأرض كرة – زى ما بيقولوا – طيب الماتش هيبدأ إمتى؟!
الماتش شغال بس انت مش دارى
ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر".يمكن كانت متقله هدومها سعتها فغلطط وقالت اح بدل بر.هع
إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟!لاء انا بمثل اسهل.ومفيش متفرجين.
هههههههههههههههههههههه
ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟!غلاسه او استقصاد لصاحب العربيه لو كانو عرفينه.
لو الصاعقة نزلت على حد بيموت متكهرب فورا، طيب لمّا الصاعقة بتضرب البحر، ليه السمك اللى فى البحر مابيموتش متكهرب؟عشان فى بحر والبحر فيه مايه
ههههههههههههههههههههه
لمّا الواحد بيعلّى صوت الكاسيت، هل ده بيسحب كهرباء أكتر؟
لاء بس بيطرش اكتر.
لو البوليس وهو رايح يقبض على حد شاف فى السكة جريمة بتحصل ، بيمنعها ولاّ بيركز فى المهمة اللى طالع علشانها؟حاسب الشرطى نفسه لو بيحب يزتزكا او زهقان من شغلته هيسيب الجريمه ولو مش زهقان هيروح للجريمه عشان كده كده هو ريحلها حتى ولو مش حاليا.
هل الحيوانات بتعطس؟
لاء اصلها بتاخد مضاد حيوى ههههههههههههههه
اه بتعطس.
طيب هل حصل فعلا فى يوم من الايام أن فيه واحد (ضرب عصفورين بحجر)؟
يمكن الله اعلم
§ ليه لما يكون الواحد جوه عربية والعربية داخلة هتعدى من نفق؟؟ تلاقى الواحد يوطى رأسه كإنه هو شخصياً اللي هيعدى من النفق مش العربية؟!
عشان رقبته بتوجعه فبيعدلها
ههههههههههههههههههههه
دى حاجه فى علم النفس.
زى ماتكون ماشى فى الشارع وتبعد اول ما تلاقى عربيه دخله عليك بتبعد ليه.
ليه لما باكون في البيت واتصل بالسوبر ماركت (اسمه سوبرماركت ريشه) وأقول (آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء الله سوبرماركت ريشه؟!) ولاّ (إن شاء الله مش سوبرماركت ريشه؟!).ان شاء الله يمكن فكرك بتطلب ريش.
او ريشه حاضر يعنى هيجبهملك بسرعه.
ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟!
ههههههههههههههههههههههه
هتلاقيه مش عارف فين اصلا.
ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟!
عشان بيبقى المقصود بيه معادى جمبه فبديهى يرد او ممكن محدش فى الشارع غيره.
بيقولوا (لكل قاعدة استثناء)..طيب ايه الأستثناء بتاع القاعدة دى؟
I donot know
ليه لما حد يحب يدي يدى معلومة بيبدأ الجملة بكلمة (بيقولك)، (بيقولك العربيات رخصت)!
على اساس انه سمع المعلومه وبيقولها تانى.
§ ليه فيه ناس لما تعدى عليها وتقول (سلامو عليكوا) ما تسمعش منهم غير صوت بيقول "وع.. س س.. هه"؟!
خيفين على زورهم .هههههههههههههههه
§ ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟
بتستهبل.
§ طيب ليه المذيعة بتقول أعزائي أفراد الأسرة.. وهى ما تعرفش حد فينا؟!
يمكن تكون الكميرا الخافيه وهى شيفانا واحنا مش شيفنها
ههههههههههههههه
§ ليه الشخص اللي يسألك "الساعة كام" لازم يرفع لك دراعه الشمال ويشاور على مكان الساعة بصباعه "لو سمحت الساعة كام"....طيب اللى بيسأل على مكان الحمام المفروض يشاور على ايه؟
هههههههههههههههه
يطرقع صوبعه فى بعضيها.
اللى مايقدرش يتكلم اخرس، واللى مايقدرش يشوف اعمى، طيب اللى مايقدرش يشم أيه؟
زكام
§ طيب ليه اللي يسألني عن الساعة لازم يحلفني "الساعة كام والنبي؟!".
يمكن عشان هو متأخر على معاد ولا حاجه عشان تنجز.
§ ليه لما تقول لواحد حاجة ومايسمعهاش كويس تلاقيه هو اللي علاّ صوته فجأة (بتقول ايه؟!).
علامه على انك المفروض تعلى صوتك يعنى بدل ما يجى يضربك ويقولك انت بتوشوش نفسك.
ليه الكتابة على التي شيرت لازم تكون بالإنجليزي، ليه ماحدش بيكتب على التي شيرت بتاعته بالعربي.. مثلاً "اللي ذاكر ذاكر خلاص".
على اساس انو مصقف يعنى حافظ كلمتين يطنطط بيهم.
§ ليه الواحد ما يشربش إزازتين "مزيل دهون" علشان يخس؟!
عشان هتجيب اضرار سلبيه.
زى اللى يشرب ازازه الدوا كلها مره وحده عشان يخف بسرعه.
اذا كان زيت الذرة معمول من الذرة ، و زيت عباد الشمس معمول من زهرة عباد الشمس، طيب الbaby oil معمول من ايه؟
§ لو " رُكب" الإنسان كانوا ورا مش قدام، كانت الكراسى هيبقى شكلها ايه؟
يبقى لازم عينه تبقى فى قفاه
§ ليه الواحد بيدوس على الريموت كنترول بقوة وعنف لما الحجارة بتشطّب؟
يمكن ربنا يكرمها وتشتغل
§ التوأم الملتصق لما بيدخل السينما ، بيقطعوا تذكرة واحده ولا تذكرتين؟
تذكرتين عشان كل واحد ليه عنتين.
لمّا البوليس بيهجم على شقة ويكسّر الباب، مين المسئول إنه يصلّح الباب ده؟
صاحب الباب الحكومه عاوزة فلوس مش عاوزة يتاخد منها فلوس.
§ لو واحد مات و رجله متجبسه ،هل بيدفنوه بيها متجبسة ولاّ بيشيلوا الجبس
بيشيلوا الجبس.
اخيراااااااااااااااااااااااا خلصت
تعليقات
إرسال تعليق